Një “Gjino” në krye të Ministrisë së Jashtme Shqiptare. –

29 Dhjetor, 2018

Bashkë me Gjinon, në qeveri vjen edhe Marigoja, e vargjeve të poezisë për “Skënderbeun e Rilindjes”, për të mbyllur komedinë e kësaj qeverie.

Kryeministri Rama “spastron” Qeverinë, largohen “senatorët” e Socialistëve dhe në krye të mininistrive vijnë drejtorët e kontrabandës, trafiqeve, korrupsionit, të salloneve të bashkisë, te kompanive që pastrojnë paratë e krimit sllavo-serb , aziatkt dhe të atyre qe e nënshtruan kryerilindasin -kryeministër ti emëronte në bordet e bankës qëndrore për të garantuar bankat që sapo blenë. Ministrat e rinj vijnë nga tenderat skandalozë dhe të shumë përfolur, drejtorë që emrin e tyre e kanë të regjistruar në librin e zi të dështimeve të doganave, apo orgjitë e shtëpive qeveritare . Ministër përgjegjës i linjës që nuk di gjuhën shqipe dhe nuk e di si do të ndihej ky “pasardhësi ” i Fan Nolit , kur ti recitojnë vargjet “ti Halim që s’di këndim , je ministër për arsim”. Por emërimi me diskretitues është ai i diplomacisë e cila ka edhe ministrinë më të rëndësishme për momentin, kur sytë e shqiptarve jane drejt integrimit dhe këtë e kanë treguar me fakte pasi mbi 2 milion shqiptar kanë marë rrugët e kurbetit.

Shqipërisë dhe shqiptarëve nuk i kanë munguar intelektualët dhe burrat e mençur , diplomatët e karrierës dhe vizionarët e politikës së jashtme, si në shqipëri ashtu edhe në Kosovë. Por të marësh nga rruga një adoleshent , dhe ta trajtosh politikën e jashtme shqiptare si komedia e Çajupit , dhe titullarin e saj si personazhi me emrin Gjino është një turp i madh. Qëllimet pse u emërua ” gjinua” tashmë dihen.

Pas tij fshihet marëveshja për ndarjen e Kosovës,”Deti” me Greqinë, dhe presioni tek ndërkombtarët me kartën e nacionalitetit. Ndaj Gjinua u ngjit në shkallët ku para-ardhës kanë qënë Ismail Qemali, Noli, Frashëri, Nase, Malile, Kapllani, Mustafai, Dade, Meta, Milo, të cilët ishin nga figurat më të shquara të politikës dhe diplomacisë. Por koha ka marë tatëpietën,dhe shpresojmë që kur të “piqen fiqtë” , Gjinua ,”Skënderbeu i Spiropalit” dhe bashkë me të edhe Erisa do kenë marë arratinë nga “hakërrima” e një populli të mashtruar nga kjo qeveri. Kryeministri Edi Rama, ka larguar nga kabineti pjesën më të madhe të ministrave. I gjendur përballë protestave të studentëve dhe mes aferave të rënda korruptive, duket se kryeministri po përdor armën e tij të fundit për të shpëtuar karrigen dhe pushtetin e tij. Rama ka larguar Lindita Nikollën, Arben Ahmetajn, Damian Gjiknurin, Mirela Kumbaron, Ditmir Bushatin, Niko Peleshin, Sonila Qaton, Senida Mesin duke i zëvendësuar ata me profile kryesisht të ulëta zëvendësministrash. Ndërsa i ka dhënë afat gjashtë muaj, ministres Ogerta Manastirliu dhe Blendi Klosit. Mes emërimeve të reja, spikat veçanërisht Erion Braçe, i cili është caktuar zëvendëskryeministër, një lëvizje e Ramës për të ftuar në kabinet edhe partinë e vjetër socialiste, e cila nuk qe përfaqësuar në dy kabinetet e Rilindjes.

“Ministrat që do largohen sot kanë punuar shumë mirë, por ky ndryshim është i nevojshëm. Ata janë një pjesë e mirë e Partisë Socialiste. Janë investim strategjik i socialistëve. Të gjithë ata që kanë 5 vite në kabinet do ia lënë vendin të tjerëve. I falënderoj të gjithë dhe për punën e gjithsecilit mund të mbaja një fjalim më vete. Do flas për Linditën, sepse e vërteta nuk është ajo që duket tani kur Lindita është në qendër të ciklonit. Reforma në arsim është një nga reformat më të thella pas tranzicionit dhe Lindita është një nga personat thelbësorë në këtë reformë” – u shpreh Rama. Pasi bëri një reprezalje të gjatë të arritjeve të Lindita Nikollës në krye të ministrisë së Arsimit, kryeministri Edi Rama deklaroi se e ka shkarkuar nga detyra, duke e zëvendësuar me Besa Shahinin, e cila aktualisht mban postin e zv/ministres së Arsimit. “Besa Shahini do të zëvendësojë Lindita Nikollën. Ajo është zv/ministrja aktuale e arsimit. Është me një karrierë akademike që flet vetë për të. Ka të gjitha kapacitetet për të marrë stafetën dhe për të çuar përpara reformat”- tha Rama. Ai gjithashtu vlerësoi performancën e Arben Ahmetajt në krye të ministrisë së Financave, por tha se do ta zëvendësojë atë me Anila Denajn, e cila “ka një eksperiencë të gjatë si financiere”. Një tjetër ministër i shkarkuar është kreu i Ministrisë së Jashtme, Ditmir Bushati, detyrën e të cilit do ta marrë zëvendësi i tij, diplomati Genti Caka. “Ministrat që do largohen kanë një rol tejet pozitiv në diçka që kemi bërë dhe transformimet që kemi sjellë. Janë një gjeneratë drejtuesish që ka shumë për të dhënë edhe në parti, Të gjithë ata që kanë 5 vjet në kabinet t’ia lënë vendin të tjerëve dhe për ta bëj falënderim të posaçëm për punën e tyre”- tha kryeministri.

Ministrat e Rinje Dhjetor 2018

Gazeta Telegraf.